ନିର୍ବାଣ

 

---ନିର୍ବାଣ----

ଜୀବନର ପଥରେ  ଗତିର ଆଲେଖ୍ୟ 

         ସ୍ଥିର ବିଧିର ନିର୍ଦେଶ 

ଅଲେଖା ଫରଦେ       ଅର୍ଜିତ କରମ 

         ପ୍ରବାହ ସୁଖ୍ୟାତି ଯଶ   l

ବିହିର ପରଶେ    ସଂଯୋଗ ନିଯୋଗ

         ଅଚେତେ ଚେତନ ମିଶେ 

ବିଭୁ ଜ୍ଞାନ ରସ      ମୋହରେ ଅବଶ

        ମାୟା ମୋହେ ଚିତ୍ତ ଗ୍ରାସେ  l

ଜନନୀ ଜଠରେ        ଦଶ ଅବତାର 

         ଜନ୍ମ ଗତେ ଏକାଦଶ  

ନାରାୟଣ ରୁପି         ନରେ ବିବର୍ତ୍ତନ    

         ବ୍ୟତିକ୍ରମ ଅବଶୋଷ  l

ମହୀରେ ପୁରୁଷ      କାମନାରେ ବଶ

         ସମାହିତ କଳେବର 

ମୋହ ମଦ ମତ୍ତ        କାମନା ରହିତ    

       ଜନ୍ମ ଲଭେ ବାରମ୍ବାର  l

କ୍ଷୁଧା ତୃଷ୍ଣା ବଶ       କରମ ନିର୍ଦୋଷ 

       କରତା ନିଷ୍ପାପ  କ୍ଷମ  

ଉତ୍ତମ ପୁରୁଷ        ସାର ଉପଦେଶ 

    (ତେବେ)ଲଭେ କିମ୍ପା ପୁନର୍ଜନ୍ମ ? 

ଜନ୍ମ ହେତୁ ଜରା    ବାର୍ଦ୍ଧକ୍ୟ ମରଣ 

          ଚତୁଆର୍ଯ୍ୟ ସତ୍ୟ ସାର 

ଜନମୁ ନିସ୍ତାର      ଜନ୍ମେଞ୍ଜୟ ଭବେ

          ମୃତ୍ୟଞ୍ଜୟ ସିଦ୍ଧି ତାର  l

ବିପଶ୍ୟନା ଧ୍ୟାନେ       ଅନ୍ତର ଦର୍ଶନ 

          ଅରି ମିତ୍ର ରୂପେ ବଶ 

ଜନ୍ମ ମୃତ୍ୟୁ ଚକ୍ର        ପରିଧିରୁ ପାର 

          ନିର୍ବାଣ ବୁଦ୍ଧ ସନ୍ଦେଶ   l