°It`s My Life°

ଦହି ଖାଇଲେ କଣ ଉପକାର ହୁଏ ତାହା ହୁଏତ ଆପଣ ଜାଣି ନ ଥିବେ, ଜାଣିଲେ ହେବେ ଆଶ୍ଚର୍ଯ୍ୟ ଦହି ଏକ ଏଭଳି ଖାଦ୍ୟ, ଯାହା ଅଧିକାଂଶ ଭାରତୀୟ ଲୋକ ଏହାକୁ ମୁଖ୍ୟ ଖାଦ୍ୟ ରୂପେ ବ୍ୟବହାର କରିଥାନ୍ତି। ଦହିକୁ ରାଇତା ଠାରୁ ଆରମ୍ଭ କରି ଗ୍ରେଭି ଏବଂ ଛାସ ପର୍ଯ୍ୟନ୍ତ ସବୁଥିରେ ବ୍ୟବହୃତ କରାଯାଏ। ଦହିର ମଲ୍ଟି-ଡାଇମେନ୍ସିଆଲ୍ ଗୁଣ ଅନେକ ରୋଷେୟାଙ୍କୁ ପିଢୀରୁ ପିଢୀ ପର୍ଯ୍ୟନ୍ତ ଧ୍ୟାନ ଆକର୍ଷଣ କରିଛି। ଦହି ଖାଇବାର ଅନେକ ଲାଭ ଅଛି, ଯାହା ଏହାକୁ ପୁଷ୍ଟିକର ବିଶେଷଜ୍ଞ ଏବଂ ଫିଟନେସ୍ ପ୍ରେମୀମାନଙ୍କ ପାଇଁ ସବୁଠାରୁ ପ୍ରିୟ ସୁପର ଫୁଡ୍ ହୋଇଥାଏ। ଦହି ହେଉଛି ଗୁରୁତ୍ୱପୂର୍ଣ୍ଣ ଭିଟାମିନ୍ ଏବଂ ଖଣିଜ ପଦାର୍ଥ ଯେପରିକି କ୍ୟାଲସିୟମ୍, ଭିଟାମିନ୍ ବି-୨, ଭିଟାମିନ୍ ବି -୧୨, ପୋଟାସିୟମ୍ ଏବଂ ମ୍ୟାଗ୍ନେସିୟମ୍ ପରିପୂର୍ଣ୍ଣ ଥାଏ। ଏହା ଅନ୍ତସ୍ଥ ମାଇକ୍ରୋବିଓମ୍ ଯଥା ଅନ୍ତ ସ୍ୱାସ୍ଥ୍ୟ ପାଇଁ ମଧ୍ୟ ଅତ୍ୟନ୍ତ ପ୍ରଭାବଶାଳୀ। ଦହି ହାଡର ସ୍ୱାସ୍ଥ୍ୟ, ହଜମ ପ୍ରକ୍ରିୟାରେ ଉନ୍ନତି ଆଣିଥାଏ, କୋଲେଷ୍ଟ୍ରଲକୁ ମଧ୍ୟ ନିୟନ୍ତ୍ରଣ କରିଥାଏ ଏବଂ ଉଚ୍ଚ ରକ୍ତଚାପକୁ ହ୍ରାସ କରିଥାଏ। ଏହା ବ୍ୟତୀତ ଏହାର ଥଣ୍ଡା ଗୁଣ ମଧ୍ୟ ଅଛି। କେବଳ ଏତିକି ନୁହେଁ, ଏକ ପାତ୍ର ଦହି ମଧ୍ୟ ଏକ କିମ୍ବା ଦୁଇ ପାଉଣ୍ଡ ଓଜନ କାଟିବାରେ ସାହାଯ୍ୟ କରିଥାଏ। ହଜମ କରିବାରେ ସାହାଯ୍ୟ କରେ: ଦହି ପ୍ରୋବାୟୋଟିକ୍ ଉପାଦାନରେ ଭରପୂର, ଯାହା ହଜମ କରିବାରେ ସାହାଯ୍ୟ କରିଥାଏ ଏବ...

ଆଜି ପବିତ୍ର ରାକ୍ଷୀ ପୂର୍ଣ୍ଣିମା: ଭାଇ-ଭଉଣୀଙ୍କ ସ୍ନେହ ବନ୍ଧନ ରାକ୍ଷୀ ରହିବ ସାକ୍ଷୀ ଆଜି ପବିତ୍ର ଗହ୍ମା ପୂର୍ଣ୍ଣିମା ଅର୍ଥାତ୍‌ ରାକ୍ଷୀ ପୂର୍ଣ୍ଣିମା । ଭାଇ ଭଉଣୀର ସ୍ନେହ ବନ୍ଧନକୁ ଦୃଢ କରିଥାଏ ରେଶମୀ ଡୋରି ରାକ୍ଷୀ। ଭାଇ ହାତରେ ରାକ୍ଷୀ ବାନ୍ଧି ସୁରକ୍ଷା ମାଗିଥାଏ ଭଉଣୀ । ଏହି ଦିନକୁ ଭଉଣୀମାନେ ଏକ ବର୍ଷ ଧରି ଅପେକ୍ଷା କରିଥାନ୍ତି । ରାକ୍ଷୀ ବାନ୍ଧିଲି ମୁଁ ରଖିବୁ ମାନ । ଖାଲି ଏଇ ରାକ୍ଷୀପୂର୍ଣ୍ଣିମା ନୁହେଁ ବଞ୍ଚିଥିବା ଯାଏ ଏମିତି ଅନେକ ରାକ୍ଷୀରେ ତୋ ହାତରେ ମୁଁ ଏଇ ପବିତ୍ର ଡୋରି ବାନ୍ଧିବି । ତା' ପ୍ରତିବଦଳରେ ମୋତେ ଉପହାର ଲୋଡ଼ା ନାହିଁ । ଦରକାର ଖାଲି ତୋ ସ୍ନେହ, ଭଲ ପାଇବା, ମୋ ବିଫଳତା ଓ ସଫଳତା ସମୟରେ ତୋ ଉପସ୍ଥିତି । ଏଇ ଟିକକ ଉପହାର ପାଇଁ ମୋ ରାକ୍ଷୀ ସବୁବେଳେ ତୋ'ହାତରେ ରହିଥିବ । ଏମିତି କିଛି ଶୁଭ ମନାସୀ ଭାଇଟି ହାତରେ ଭଉଣୀ ରାକ୍ଷୀ ବାନ୍ଧିଥାଏ । ହିନ୍ଦୁ ଧର୍ମରେ ପବିତ୍ର ରାକ୍ଷୀ ପୂର୍ଣ୍ଣିମା ଅବସରରେ ଭଉଣୀଟି ଭାଇ ହାତରେ ରାକ୍ଷୀ ବାନ୍ଧି ତା'ର ଦୀର୍ଘାୟୁ କାମନା କରିଥାଏ । ଭାଇ ମଧ୍ୟ ରାକ୍ଷୀର ପ୍ରତିବଦଳରେ ଭଉଣୀର ସମ୍ମାନ ରକ୍ଷା କରିବାର ସଂକଳ୍ପ ନେଇଥାଏ । ଆଜି ହେଉଛି ସେଇ ପବିତ୍ର ରକ୍ଷା ବନ୍ଧନ ।

ଖୁଦୁରୁକୁଣୀ ଓଷା: ଭାଇଙ୍କ ଶୁଭ ମନାସୀ ଭଉଣୀ କରେ ଉପବାସ  ଭାଇ ଭଉଣୀର ସମ୍ପର୍କକୁ ମଧୁର କରିବାର ପର୍ବଟିଏ ହେଉଛି ଭାଲୁକୁଣୀ ଓଷା ବା ଖୁଦୁରୁକୁଣୀ । ସମାଜକୁ ନାରୀର ଅବଦାନ ଓ ଶ୍ରେଷ୍ଠତ୍ୱକୁ ପ୍ରତିପାଦନ କରୁଥିବା ପର୍ବ ହେଉଛି ଖୁଦୁରୁକୁଣୀ । ପରିବାର ଭିତରେ ସମ୍ପର୍କର ଡୋରି ବାନ୍ଧିବାର ପର୍ବ ହେଉଛି ଖୁଦୁରୁକୁଣୀ । ଉତ୍କଳର ସମୃଦ୍ଧ ସଂସ୍କୃତିର ପରିଚୟ ପ୍ରଦାନ କରେ ଏହି ପର୍ବ । ଓଡିଶାର କୁମାରୀମାନେ ଭାଦ୍ରବର ପ୍ରତି ରବିବାରେ ଜଗତ ଜନନୀ ମା', ମଙ୍ଗଳାଙ୍କୁ ଆରାଧାନା କରନ୍ତି । ଭଉଣୀମାନେ ନିଜ ଭାଇର ନିରାମୟ ଜୀବନ, ଉଜ୍ଜଳ ଭବିଷ୍ୟତ ଓ ଦୀର୍ଘ ଆୟୁ କାମନା କରି ମଙ୍ଗଳମୟୀ ମା ମଙ୍ଗଳାକୁ ସ୍ମରଣ କରିଥାନ୍ତି । ଓଡିଆ ଘରର ବୋହୁମାନେ ବି ଏହି ବ୍ରତକୁ ପାଳନ କରନ୍ତି । ଭାଦ୍ରବ ମାସର ପ୍ରତି ରବିବାରରେ ଖୁଦୁରୁକୁଣୀ ଓଷା ପାଳିତ ହୁଏ । ମା ମଙ୍ଗଳାଙ୍କ ମୂତ୍ରି ଭାଲୁକୁଣି ସ୍ଥାପନ କରି ସଜ୍ଜିତ କରାଯାଇଥାଏ । ଦୁହୁଡି(ଦିହୁଡି) ଜାଳି ଝୁଣା ମାରି ଆନନ୍ଦର ସହ ନିଜର ଭାଇର ସୁରକ୍ଷା ପାଇଁ କୁମାରୀମାନେ ପୂଜା କରନ୍ତି । କିମ୍ବଦନ୍ତୀ ଅନୁସାରେ ଓଡ଼ିଶାରେ ସାଧବ ପୁଅମାନେ ଅତୀତରେ ଦେଶବିଦେଶକୁ ବଣିଜ କରିବା ନିମନ୍ତେ ଯାଉଥିଲେ । ସେହିପରି ଏକ ସାତ ସାଧବ ଭାଇ ଓ ସେମାନଙ୍କ ଅଲିଅଳି ଭଉଣୀ ତଅପୋଇକୁ ଭାଉଜମାନେ ଯାତନା ଦେବା ଓ ଖୁଦୁରୁକୁଣିଙ୍କୁ ପୂଜି ସେ ସେଥିରୁ ମୁକ୍ତି ମିଳିବାକୁ ନେଇ ଏହି ଓଷାର ଆରମ୍ଭ । ଝିଅମ...

ମୋ ଜୀବନର ପ୍ରତ୍ୟେକ ଟି ପାହାଚ଼ରେ ଶିକ୍ଷା ଦେଇ ଆସିଥିବା ସମସ୍ତ ଗୁରୁଙ୍କୁ ପବିତ୍ର ଗୁରୁ ଦିବସ ଉପଲକ୍ଷେ ମୋର ପ୍ରଣାମ। ଗୁରୁବ୍ରହ୍ମା ଗୁରୁବିଷ୍ଣୁ ଗୁରୁଦେବ ମହେଶ୍ୱର ଗୁରୁ ସାକ୍ଷାତ୍ ପରଂବ୍ରହ୍ମ ତସ୍ମୈ ଶ୍ରୀ ଗୁରବେ ନମଃ । ଭାରତୀୟ ପରମ୍ପରା ରେ 'ଗୁରୁ' ଏକ ପବିତ୍ର ଶବ୍ଦ। ଗୁରୁ...ଯିଏ ଆମକୁ ଅଜ୍ଞାନ ରୂପକ ଅନ୍ଧକାରରୁ ଜ୍ଞାନ ରୂପକ ଆଲୋକର ରାସ୍ତା ଦେଖାନ୍ତି। ଯାହାଙ୍କ ପ୍ରଦତ୍ତ ଜ୍ଞାନରେ ଆମେ ଜୀବନର ପ୍ରକୃତ ଉଦ୍ଦେଶ୍ୟ ବୁଝିପାରୁ।କେବେ ଆକଟଭରା କଠୋର ଅନୁଶାସନ ତ ପୁଣି କେବେ ଉତ୍ସାହପ୍ରଦ ପ୍ରେରଣା ସାଧାରଣରୁ ଅସାଧାରଣର ମୁକୁଟ ପିନ୍ଧାଏ। ପାଠ ହେଉ କି ସଙ୍ଗୀତ। ଖେଳ ହେଉ କି ନୃତ୍ୟ। ବାଦ୍ୟ ହେଉ କି ବକୃତା, ପ୍ରତିଟି କ୍ଷେତ୍ରରେ ଗୁରୁଙ୍କର ମାର୍ଗଦର୍ଶନ କୃତୀ ପ୍ରତିଭାଙ୍କ ପାଇଁ ଆଣି ଦେଇଛି ପ୍ରସିଦ୍ଧି।ଗୁରୁ ହେଉଛନ୍ତି ସାକ୍ଷାତ ପରମବ୍ରହ୍ମ। ଯୁଗେ ଯୁଗେ ଗୁରୁଙ୍କ ଭୂମିକା ଗୁରୁତ୍ବପୂର୍ଣ୍ଣ। ଭାରତର ପୂର୍ବତନ ରାଷ୍ଟ୍ରପତି ଡକ୍ଟର ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଜନ୍ମଦିନକୁ ଆମେ ପ୍ରତିବର୍ଷ ଗୁରୁଦିବସ ଭାବେ ପାଳନ କରିଥାଉ। ଜଣେ ଦାର୍ଶିନିକ ତଥା ଜଣେ କୁଶଳୀ ରାଷ୍ଟ୍ରନୀତିଜ୍ଞ ଓ ଜଣେ ଆଦର୍ଶ ଶିକ୍ଷକ ଭାବରେ ରାଧାକ୍ରିଷ୍ଣନ ବେଶ୍ ପରଚିତ। ମୋ ଭାଷାରେ ' ନିଜକୁ ଯେ ନିରନ୍ତର ଶିକ୍ଷା ରୂପେ ଗଣେ, ନିଶ୍ଚୟ ସେ ଯୋଗ୍ୟତମ ଗୁରୁ ମଧ୍ୟ ଜଣେ'। ଗୁରୁ ଓ ରାସ୍ତା ଏକାପରି । ସେମାନେ ...

ଷଷ୍ଠୀ ଓଷାର ଶୁଭେଚ୍ଛା: ବାଳରିଷ୍ଟ ଖଣ୍ଡନ ପାଇଁ ହୁଏ ବାଡ଼ିଆ .. ଓଲୁଅ ପରି ବଢ଼ିଯା, ବଣସାରୁ ପରି ମାଡ଼ିଯା, ଜୀଁ ଜୀଁ ; ବଜ୍ର ହୋ। ବଜ୍ର ହୋ" ଆଜି ଷଷ୍ଠୀ ଓଷା। ଷଷ୍ଠୀ ଓଷା ଓଡ଼ିଶାରେ ପାଳିତ ଏକ ପାରମ୍ପାରିକ ଓଷା। ଏହାକୁ ଷଠି ଓଷା ବା ଷଠୀ ବ୍ରତ ମଧ୍ୟ କୁହାଯାଏ। ଷଷ୍ଠୀ ଓଷାକୁ ଯାଜପୁର ଅଞ୍ଚଳରେ ନେଙ୍କୁଡ଼ିଆ ଷଠି ବୋଲି କୁହନ୍ତି। ଭାଦ୍ରବ ଶୁକ୍ଳ ଷଷ୍ଠୀ ଦିନ (ଗଣେଶ ପୂଜାର ଦୁଇ ଦିନ ପରେ) ଷଠି ଓଷା ପାଳନ ହୁଏ। ଷଠୀ ଠାକୁରାଣୀଙ୍କୁ ଓଡ଼ିଶାରେ ଜନ୍ମଦେବୀ ବୋଲି କୁହାଯାଏ। ଗାଁ' ଗଣ୍ଡାରେ ମା' ମାନେ ଷଠୀ ଦେବୀଙ୍କୁ ପୂଜା କରିଥାଆନ୍ତି। ଷଠୀ ଠାକୁରାଣୀଙ୍କୁ ପିଲାଙ୍କ ଭଲ ମନ୍ଦ ପାଇଁ ମା' ମାନେ ପୂଜିଥାଆନ୍ତି। ସକାଳେ ଶିବଙ୍କ ପାଇଁ ସୋମନାଥ ବ୍ରତ ହୁଏ। ଭାତ, ଡାଲି, ମାଛ ଭଜା, ଚକୁଳି ପିଠା, ଦୁଇ ପ୍ରକାର ଶାକାହାରୀ ତରକାରୀ ଭଳି ଛଅ ପ୍ରକାର ଖାଦ୍ୟ ରନ୍ଧାହୁଏ। ଶିଳ ପୁଆକୁ ହଳଦୀ କନାରେ ବନ୍ଧାଯାଏ ଓ ତା' ଉପରେ ହଳଦୀ ରଖାଯାଏ। ଅପାମାରଙ୍ଗ, ବାଉଁଶ, ଧାନ, ବଜ୍ରମୂଳୀ, ସାରୁ ଆଦି ପାଞ୍ଚ ପ୍ରକାର ଗଛକୁ ସଂଗ୍ରହ କରି ଏକାଠି କରି ବନ୍ଧାଯାଏ। ଗୋଟେ ପୂର୍ଣ୍ଣ କୁମ୍ଭ ଏବଂ ତା' ପାଖରେ ଗଳି ଗୁଆ, ସିନ୍ଦୁର ଫରୁଆ, କଜଳ ପାତି ରଖାଯାଏ। ଦୁବ, ବରକୋଳି ପତ୍ର ଓ ଅରୁଆ ଚାଉଳରେ ଘରେ ଥିବା ମା' ଏବଂ ଅନ୍ୟାନ୍ୟ ସ୍ତ୍ରୀ ଲୋକ ଗୁରୁଜନ ମାନେ ଲଘୁଜନ ମାନଙ୍କୁ ବନ୍ଦାପନା କରନ୍ତି। ସମସ୍ତ...

   *☆ସଂପର୍କର ସୁତାଖଣ୍ଡେ ରାଖି☆* ଦୁଇବର୍ଷ ତଳେ ଏମିତି ଅଗଷ୍ଟ ମାସ ଶେଷ ବେଳକୁ ରମେଶ ଭୂବନେଶ୍ବର ଯାଉଥିଲା ଟ୍ରେନରେ। ତପସ୍ବିନୀ ଛାଡିଲା ଦଶଟା ପାଖାପାଖି। ତା ସାଙ୍ଗରେ ଝିଅଟେ ବି ଚଢିଲା ଝାରସୁଗୁଡାରୁ। ସେଇ ଝିଅଟିର ସିଟ୍ ବି ତା ସାମନା ସିଟ୍ ଟା ଥିଲା। ଦୁଇଜଣ ଟ୍ରେନରେ ନିଜନିଜ ସିଟ୍ ଅକ୍ତିଆର କରି ଶୋଇଗଲେ । ଝିଅଟି ବଡ ସୁନ୍ଦରୀ ଥିଲା। ରମେଶ ନିଶ୍ଚିତ ଥିଲା ଝିଅଟି ତାଙ୍କର ଜାତିର ହେଇଥିବ ? କାରଣ ତାଙ୍କ ଜାତିର ଝିଅମାନେ ଗରୀବ ହେଉକି ଧନୀ ଗୋରି ଓ ଗଢଣରେ ଭଲ ଥାଆନ୍ତି। ତାଙ୍କ ଅଞ୍ଚଳରେ ବ୍ରାହ୍ମଣଙ୍କୁ ଛାଡିଦେଲେ ତାଙ୍କ ଜାତିର ଝିଅହିଁ ସୁନ୍ଦରୀ ଅଛନ୍ତି । ଆଉ ନ ହେବେ ବି କିପରି ଏମାନେ ପରା ବେଦବ୍ୟାସ ଓ ବିଦୁରଙ୍କ ବଂଶଧର । ସେ ପୁରା କନଫର୍ମ ଥିଲା ନିଜ ଜାତିର ହେଇଥିବ ବୋଲି ତେଣୁ ତାପ୍ରତି ଆହେତୁକ ସ୍ନେହ ଆସିଯାଇଥିଲା ଓ ବଡ ହିସାବରେ କର୍ତ୍ତବ୍ୟ ହେଉଥିଲା ତାର ସୁରକ୍ଷାପ୍ରତି ଧ୍ୟାନଦେବା । ଝିଅଟି ଦୁଇସିଟ୍ ମଝିରେ ଥିବା ଛୋଟ ଟେବୁଲରେ ନିଜ ଲ୍ୟାପଟପ୍ ରଖି ନିଜ ସିଟରେ ନିଶ୍ଚିନ୍ତରେ ଶୋଇ ଘୁଙ୍ଗୁଡି ମାରିବାକୁ ଲାଗିଲା । ହେଲେ ରମେଶ ନିଜ ମୋବାଇଲ ଚାର୍ଯରେ ଲଗାଇଥିଲା ବୋଲି ଶୋଇକି ଗଡପଡ ହେଉଥିଲା । ସେ ସଜାଗ ଥାଏ ସବୁବେଳେ ଯେବେ ଚାର୍ଯରେ କିଛି ରଖିଥାଏ । ସମୟ ରାତି ତିନିଟା ହେବ ଦୁଇଜଣ ଯୁବକ ଆସି ଲ୍ୟାପଟପକୁ ଟାଣି ନେବାକୁ ବସିଲେ । ସେତେବେଳେ ତଡାକ୍ କରି ଗୋଟି...

ମଣିଷର ମାଟି ଓ ପ୍ରକୃତି ସହିତ ଅନାବିଳ ସମ୍ପର୍କର ପ୍ରତୀକ- ଆଦ୍ୟପର୍ବ ନୂଆଁଖାଇ ସୃଷ୍ଟି ସର୍ଜନା କାଳରୁ ମାଟି ଏବଂ ପ୍ରକୃତି ସହିତ ମଣିଷର ଅତି ନିବିଡ ସମ୍ପର୍କ ରହିଛି। ପ୍ରକୃତିରୁ ଉତ୍ପାଦିତ ଶସ୍ୟ, ଫଳ ମୂଳ ହିଁ ମଣିଷକୁ ବଞ୍ଚିରହିବାର ଖୋରାକ୍‍ ଯୋଗାଇବା ସହିତ ଜୀବନ ଜୀବିକା ମଧ୍ୟ ଯୋଗାଇ ଥାଏ। ବେଦ ପୁରାଣ କହେ ଅନ୍ନ ହେଉଛି ସୃଷ୍ଟିର ମୂଳ ଆଧାର ଏବଂ ପୂର୍ଣ୍ଣବ୍ରହ୍ମର ସ୍ୱରୂପ। ଅନ୍ନ ବିନା ଜୀବ ଜଗତ ତିଷ୍ଠି ରହିବା ସମ୍ପୂର୍ଣ୍ଣ ଅସମ୍ଭବ। ବେଦ, ପୁରାଣ ଏବଂ ଉପନିଷଦମାନଙ୍କରେ ଅନ୍ନର ମହିମା ବର୍ଣ୍ଣିତ ଅଛି। ଶ୍ରୀମଦ୍‍ ଭାଗବତ ଗୀତାରେ ଅତିବଡି ଜଗନ୍ନାଥ ଦାସ ଅନ୍ନର ମହିମା ବର୍ଣ୍ଣନା କରିବାକୁ ଯାଇ କହିଛନ୍ତି, "ଅନ୍ନ ବିହୁନେ ଆୟୁଷ ହାନି ଯୋଗ ସାଧିବୁ କାହା ଘେନି"। ସୃଷ୍ଟି ସର୍ଜନା କାଳରୁ ଅନ୍ନ ପୂଜାର ବିଧି ପ୍ରଚଳିତ ହୋଇ ଅସୁଛି। ଧରିତ୍ରୀ ମା' କୋଳରୁ ଉତ୍ପାଦିତ ଅନ୍ନକୁ ଦେବୀ ଦେବତାମାନଙ୍କ ନିକଟରେ ପ୍ରଥମେ ସମର୍ପଣ କରିବା ପରେ ନୂତନ ଅନ୍ନକୁ ସପରିବାର ଭୋଜନ କରିବାର ପରମ୍ପରାକୁ ନୂଆଖାଇ ବୋଲି ଅଭିହିତ କରାଯାଇଛି। ନୂଆଖାଇ ସୃଷ୍ଟିର ଆଦ୍ୟ ଗଣପର୍ବ ବୋଲି କୁହାଯାଏ। ବିଶେଷ କରି ପଶ୍ଚିମ ଓଡିଶାରେ ଏହି ପର୍ବକୁ ଆନନ୍ଦ ଓ ଉଦ୍ଦୀପନାର ସହ ପାଳନ କରାଯାଇଥାଏ। ବିଦ୍ୟା ଦାତା ପ୍ରଭୁ ଗଣେଶଙ୍କ ପୂଜା ପର ଦିନ ଅର୍ଥାତ ଭାଦ୍ରବ ମାସ ପଞ୍ଚମୀ ତିଥିରେ ନୂଆଁଖାଇ ପର୍ବ ପାଳନ କରାଯାଏ | ଏହି ଦି...